Tohodla wšitko, štož činimy, na našim slubjenju za waše wosobinske daty bazuje
Mjenje hromadźić
Je naša zasada, mjenje wo was wědźeć
Wšě tech-předewzaća daty hromadźa, zo bychu swoje produkty polěpšili. Ale za to njetrjebaja wjele z wašich wosobinskich informacijow. Jeničke daty, kotrež chcemy, su daty, kotrež na kóncu wam słuža. Prašamy so sebje: Trjebaće to poprawom? Za čo je trjebamy? A hdy móžemy je zhašeć?
Wěsće wobchować
Prócujemy so jara, zo bychmy waše wosobinske nformacije škitali
Datowa wěstota je komplikowana – abo měła znajmjeńša być. Tohodla činimy přidatne kročele, zo bychmy daty, kotrež mamy, klasifikowali, prawidła za składowanje a škitanje kóždeho typa dodźerželi a wospjetujemy to za naše procesy zaso a zaso. Waša priwatnosć ma za nas prioritu. Inwestujemy do njeje. Smy jej zawjazani. Pokazujemy samo druhim předewzaćam, kak dyrbja to činić.
Žane potajnstwa
Budźeće přeco wědźeć, na čimž sće.
Nimamy žane schowane wotpohlady. Naš wobchod wot toho njewotwisuje, wašu dowěru znjewužiwać. Naše rozłoženje wo škiće datow je woprawdźe čitajomne. A jeli chceće so do datow zanurić, kotrež hromadźimy – naš kod je zjawny. Kaž my tež.
-
Čehodla Firefox dowěrić?
Dokelž ludźi na prěnje městno stajamy. Woprawdźe, nas powšitkownosći wužitna organizacija podpěruje. Wot prěnjeho dnja je naša misija było, internet a kóždeho w nim škitać.
-
Waša priwatnosć, w kóždym produkće
Produkty Firefox hinak funguja – dokelž so wuwiwaja, zo bychu najprjedy wašu priwatnosć škitali.